擁南躉寄語 踢好波最實際
貴為百年老店的南華近年球場內外被搶盡風頭，今季聯賽場均入座率名列第4位，除東方龍獅及傑志，更排在地區球隊九巴元朗之後。一班忠實「擁南躉」仍不離不棄，但承認近年因戰績低迷未能吸引新血加入，望球隊場上能重振雄風，方能回復昔日龍頭地位。
南華近年除了戰績被宿敵傑志拋離，就連球迷聲勢也被比下去。支持南華超過20年的Tommy直言今季因工作關係減少入場：「隊波成績唔好，點都會影響心情。」相比起傑志吸納不少「少壯」粉絲，南華打氣團鼓手佐敦慨嘆缺乏新血，許多昔日並肩作戰的戰友也隨陣中球星離隊逐漸淡出。
另一長情擁南躉Pius直言:「香港球迷好現實，冇成績好難叫人支持。」Pius不諱言傑志早年的流暢組織吸引「新客」捧場，亦擅用網上力量凝聚新一代：「傑志有時會搞下球迷觀操，又叫球員賽後同球迷握手，呢樣嘢球迷係buy嘅。」
望會方貼地啲聽球迷聲音
3位擁南躉承認當下南華缺乏話題，但在為Marketing重新定位前，說到底還是踢好波最實際。Tommy稱：「以前有李海強黃金左腳射靚波，到後嚟歐陽耀冲腳下功夫亦吸引粉絲，但呢一、兩年就只係得個高美斯似樣啲。」愈說愈灰，南華重光在何時？佐敦即抖擻精神：「依家點慘都未慘得過全華班年代！作為球迷，我哋唔知南華出年會點，最希望會方可以貼地啲，聆聽球迷聲音。聽日我哋一定會豁出去，轟轟烈烈聲援球隊。」