東網直播鬥志哥大戰冠忠南區 標準灝天爭上4強尾班車
「瑞士豪度錶足總盃」今午2時30分於深水埗運動場上演最後一場8強戰，由冠忠南區鬥標準灝天。踏入2017年聯賽未輸過的冠忠南區，雖然在聯賽曾先後以4比0和6比0「雙殺」標準灝天，但主帥鄭兆聰仍然保持「穩陣」作風，提醒球員盃賽一場過，必須謹慎應戰。標準灝天方面，領隊招重文表示足總盃已成季內僅存目標，希望球員們可為前途而戰。（東網on.cc周日下午2時30分直播）
冠忠南區新一年在港超表現可人，目前在積分榜位列第3，主帥鄭兆聰（Ricky）歸功旗下球員，他說：「嚟到4月下旬，我仍然喺我嘅球員眼中，見到佢哋對勝利、對目標嘅渴求，而唔係望快啲『無嘢爭』早啲放暑假！呢方面令我感到自豪，好希望大家嘅心願可以達成！」「Ricky」謂球隊現時有3大目標，分別是聯賽季軍、足總盃冠軍，以及季後附加賽：「大家目標好清晰，所以嚟到季尾球隊嘅士氣依然保持得好好。」
Ricky：我哋有團火
對於今仗遇上標準灝天，鄭兆聰坦言往績令他們充滿信心，但無論之前在聯賽勝出多少球，來到一場過的盃賽又是另一回事。他說：「盃賽一場過，假若心態上放鬆咗，或者諗住自己贏梗，就好大機會要付出代價。一場還一場，落到場我哋就會全力爭勝！」冠忠南區有比圖提早放暑假，幸而陸志豪已傷愈可以候命。
招重文：一定要爭氣
聯賽兩鬥冠忠南區共吞下「10蛋」，標準灝天領隊招重文寄望球員可以「爭番啖氣」，他說：「聯賽已護級成功，依家淨番足總盃可以爭，我唔會講話要去捧盃，但會要求大家盡力去踢，2場輸10球其實好肉酸，希望呢場再對冠忠南區可以好好睇睇，畀會方同支持者一個交代。」至於球隊下季動向，「文仔」謂暫無可奉告，只強調球季一日未完，身為職業球員都應該戰鬥至最後一刻。