重申退隊非關政治白鶴：捍衞男人尊嚴
東方龍獅中場白鶴日前於微博發表退出港隊宣言，揚言若該名「韓國人」金判坤繼續執教，將不會為港隊效命，令網民引發近期中韓關係緊張的政治猜想。白鶴直言未有想過引起軒然大波，強調退隊只因感到不受尊重。
不滿因年紀大落選
白鶴表示，前日獲港隊行政經理廖俊輝告知落選亞洲盃外圍賽的23人決選名單，理由是港隊欲給予年輕球員機會，又指他已是「老大哥」，令他自覺不獲尊重：「其實好早知道你唔畀我踢但又要揀我，仲話就算去都唔會畀我踢，作為一個球員、男人係有尊嚴。」對其言論被牽扯到政治層面，他也始料不及：「我一路都喺香港，對呢個新聞唔係好敏感。我寫韓國人3個字，其實係想介紹呢個人，我係東方白鶴，佢係香港韓國人阿Kim，就係咁。」
他承認日後在社交媒體留言前也會小心，亦重申無悔為港隊效命：「我代表香港隊超過8年，大家都睇得到我踢成點，特別係近期狀態，我認為仍有能力為香港隊出力，所以教練以年紀為理由唔畀我踢，實在好難接受。」至於問到會否與金判坤和解，他則聳肩說不。另據內地報道聲稱，現任中甲梅州客家助教的楊正光，將返港重掌東方教鞭。「光Sir」承認因家庭理由提前解約，但否認重返東方，現階段會暫時休息陪伴家人。