東方龍獅上周完成了首場亞冠盃分組賽，小弟當日都有前往廣州睇波，這次亦是小弟第一次現場觀看亞冠賽事，第一次去到恒大的主場天河體育場，感受大賽氣氛。
當日下午5時半抵達天河，未開賽已經深深感受到大戰的氣氛。場外有過百名公安、特勤駐守，現場更有水炮車候命，相當大陣仗。到了入場時間，每位入場的觀眾，除了要出示波飛，更要Show出身份證。如果未能出示身份證就不能入場。入到場內，作客球迷獲安排坐於北看台，對面的南看台正正是主場球迷的打氣台，只見一片紅海，主隊球迷不斷吶喊打氣，氣氛熱烈。聞說當晚入場球迷達3萬8千多人，雖然未至爆滿，但入坐率亦接近8成，場邊球迷熱烈打氣，場上球員則落力比賽。
雖然香港代表東方龍獅最後大敗，但踢少兩個仍然奮力作戰，「行家」葉鴻輝左飛右撲，救出多個必入球，減少球隊失球數字。我相信港超的每一位球員，不論是否代表隊成員，都希望球迷踴躍入場支持、鼓勵及打氣。希望各位球迷，可以多多支持香港足球。
理文流浪球員 邱于銘