今年香港球迷可謂大飽眼福！除東方龍獅殺入亞冠盃分組賽，與亞洲頂級勁旅連場激戰，港隊亦會於3月展開的亞洲盃外圍賽出擊，勢必再掀港足熱潮；外隊賽事同樣吸引，英超亞洲挑戰盃極可能於7月再臨香江，加上8月舉行的回歸盃力邀歐洲頂級球隊獻技，無論想撐「自己人」，或現場欣賞世界級球星「騷哥利」，一樣好戲連場！
香港球隊首度直闖亞冠盃分組賽，東方龍獅首戰於2月22日作客中超豪門廣州恒大淘寶，單睇陳婉婷挑機巴西名帥史高拉利，已經夠晒噱頭！同組對手包括南韓水原藍翼及另一日職勁旅（浦和紅鑽或川崎前鋒），能現場欣賞亞洲班霸水平，勢必掀起撲飛潮。東方龍獅稍後將推出套票預售，想睇好波兼支持香港球隊便要密切留意！
近期香港隊熱潮稍退，多場友誼賽及東亞盃外圍賽均未能爆滿，不過新一年港隊賽事依然有睇頭，其中重頭戲必數3月28日展開的亞洲盃外圍賽第3圈，包括香港在內的24支球隊將分成6組，爭奪決賽周席位。港隊將與哪些球隊碰頭，還看1月23日的抽籤結果，相信屆時球迷會繼續撐自己人，見證「香港勁揪」！
隨着香港大球場重開，曾3度在港上演的英超亞洲挑戰盃亦極有機會重臨香港。香港足總行政總裁薛基輔早前稱正與英超賽會協商，極有信心可在短期內公布「喜訊」，預計賽事會在7月22日上演，並邀得3支英超球隊參賽，香港會派出今季港超冠軍應戰。但有別以往3屆賽事分兩個賽日的做法，預計今屆挑戰盃會在中、港兩地分別進行1日賽事。
另外，足總主席梁孔德亦透露，為遷就歐洲球會季前集訓檔期，回歸盃會在8月上演，目標是邀請歐洲頂級球會來港，球迷今個夏天不愁無節目！