火箭昨日主場鬥太陽，新丁中鋒安奴古（Chinanu Onuaku）首次上陣，用咗經典「拋大石」方式射罰球，仲兩罰全中因此即時爆紅！
講起拋大石式射罰球，大家可能諗起經典籃球漫畫《男兒當入樽》主人翁櫻木花道，其實呢本漫畫都係跟勇士一代名將域奇巴利（Ricky Barry）學法！安奴古於選秀以第37名獲火箭錄取，他在對太陽第4節「垃圾時間」上陣，得到罰球機會，並用域奇巴利成名絕技「拋大石」為自己NBA生涯取得兩分！賽後佢話自己唔識射罰球，大學效力路易斯威爾大學時都係咁射罰球喎！