壽星方誠義許願今季咪再傷！
超級工商盃今日開打，東方龍獅籃球隊首天沒有比賽，明日首「騷」會迎戰馬來西亞國家隊，主力大前鋒方誠義（阿Ga）仍然因傷缺陣。昨日（12日）是「阿Ga」33歲生日，他向記者透露今年的生日願望，就是能盡快重返球場，今季不要再受傷！
東方龍獅明日登場
方誠義表示球隊目前內線缺人手，希望自己盡快傷愈：「雖然超工班尼斯可以打，但球隊大前鋒位置一向缺人，依家生日願望梗係想快啲好番去比賽，同埋今季唔好再受傷。」「阿Ga」同時將經驗傳承給一班小將：「落到場要放開去打，除咗班尼斯之外全華班，練咗波咁耐都係時候試吓佢哋實力去到邊。」不過，經過4場ABL賽事，「阿Ga」相信球隊現在與外隊比賽都不會怯場，信心已經有所提升。
「嚟緊胡卓斌（Ben）落場機會一定會多啲，佢又有身高，呢類比賽要畀佢累積經驗，之後會打得更好。」方誠義更相信，經過上場ABL後，胡卓斌信心亦已增強：「上場喺內線對住希爾呢個級數嘅球員，佢都可以入到4分，今次超級工商盃對馬來西亞同廣西威壯，Ben應該可以有更好表現！」