東方龍獅猛籃點睇ABL勁敵？
東方龍獅周日將會出戰首場東南亞職業籃球聯賽（ABL），成為香港第一支參加這項賽事的球隊，上季球隊在本地球壇成績不俗，相信球迷對東方龍獅並不陌生，但大家對其餘ABL球隊又有多少認識？今日就由東方龍獅5位球員，為大家逐一介紹他們的對手！
香振強：馬來西亞飛龍連續兩年入決賽
馬來西亞飛龍隊分別由兩支馬來西亞勁旅組成，已經連續兩年殺入決賽，上季擊敗越南胡志明熱火後，在總決賽擊敗新加坡騰飛之獅，拿到球隊第一個ABL冠軍。
身為後衞，香振強亦特別留意同位置的球員，他表示：「我有留意Jason Brickman呢個球員，佢曾經係NCAA助攻王，上年總決賽攻入22分、7籃板同7助攻，仲係決賽MVP，對呢個球員一定要喺防守上更加留心！」馬來西亞飛龍隊的主場位於吉隆坡中心，共有2,500個座位，上屆總決賽最終戰就在吉隆坡主場舉行，場面熱鬧。
方誠義：菲律賓Alab Pilipinas新陣出擊
菲律賓Alab Pilipinas今季圍繞年輕球員進行重組，方誠義說：「聽講呢隊波會有一個全新陣容，真正Full Team練波得一個星期，但好多球員都打開菲律賓聯賽，身體對抗性好。我哋內線係一個弱點，所以做好防守更加緊要。」
菲律賓Alab Pilipinas今季圍繞Ray Parks重建，他是菲律賓本地聯賽最有天賦的球員，雖然第一次打ABL，但相信會造成相當大的威脅！
李琪：新加坡騰飛之獅快攻爭標
新加坡騰飛之獅在2006年成立，曾經參加兩季澳洲聯賽，2009年第一次參加ABL，一直對本地球員十分倚重。
「呢隊波實力比較強，係上年亞軍隊。」隊長李琪做了很多資料搜集，一起聽聽他的分析：「我對後衞（Wong Wei Long）好有印象，之前超級工商盃交手過，外圍投射同身體對抗性都好好，仲係上季本地球員MVP。」
李琪續說：「呢隊波特別鍾意打快攻同埋pick and roll，加埋外圍投射同埋速度都好好，係參賽球隊中實力較強的一隊。」
鄭錦興：越南胡志明熱火睇瑞典籍猛人
越南胡志明熱火於2011年成立，同年已經加入角逐ABL。到2014年進步神速，連續兩季殺入季後賽（4強）。
鄭錦興因傷未必有機會在ABL上場，但他亦做足功課：「除咗兩個外援Lenny Daniels同David Arnold，我最想睇瑞典籍越南裔後衞Stefan Nguyen嘅風格。佢打過瑞典職業聯賽，亦拎過瑞典聯賽常規賽冠軍，仲入選過瑞典U16、U18，同一隊集訓，有一定實力。」
ABL官網介紹，越南胡志明熱火更以打入總決賽為今年目標，絕對不可以輕視。
潘志豪：高雄聖徒SBL兵做主幹
作為第一位殺入CBA的球員，潘志豪在亞洲打波經驗豐富，亦曾與台灣球員有很多交手機會，未知他對今年首次參戰ABL的高雄聖徒有甚麼看法？
潘志豪說：「高雄聖徒今年先成立，由一班前SBL球員為主幹。當中我最有印象係陳山眉，佢喺美國曾經參加過NBA選秀，之後回台又被揀入中華白隊打瓊斯盃。」
除了陳山眉，外援有被喻為菲律賓籃球傳奇常青樹的米拿（Willie Miller），他曾兩奪菲律賓聯賽年度MVP，9度入選菲律賓聯賽明星賽。