理文流浪和富大埔睇吓邊隊醒！
撐完港隊撐港超聯！今日港超打孖上，尾場由理文流浪假青衣運動場惡鬥和富大埔，東網on.cc會為球迷送上直播。儘管理文流浪繼續受到傷兵問題困擾，但憑住一班華將大踢爭氣波，在聯賽作客取得兩連勝，主場迎戰今季另一路奇兵和富大埔，雙方實力接近，激戰可期。球迷無論親身入場或睇直播，同樣過癮！（東網on.cc周六下午5時30分直播）
一度被指「愈借愈強」的理文流浪，彷彿黑氣持續纏身，幾乎由開季以來都未試過「齊齊整整」。不計長期養傷的連卓思，主力如列斯奧、基頓、佐迪和許嘉樂等都輪流受傷，去仗作客1比0小勝港會，同樣要為贏波付上代價，韓援池慶訓勇戰受傷，今仗只能做觀眾。「真係好黑仔！球員輪住受傷，呢場除咗池慶訓有傷一定唔踢得之外，謝朗軒、葉頌朗同黎耀昌，其實都有輕傷。好在佐迪同許嘉樂已經操番波，應該可以幫到手！」理文流浪主教練馮凱文苦笑道。
理文流浪在聯賽先後以4比2擊敗南華，及以1比0力克港會，5個入球全部由華將取得，為此「馮Sir」欣然表示：「外援輪流受傷雖然好無奈，但見到一班華人球員好爭氣，我都好開心，希望大家繼續努力！」
馮Sir提防弗爆盧卡斯
對於今仗對手和富大埔，「馮Sir」表示：「喺高級組銀牌淘汰到南華，同喺聯賽和咗香港飛馬，反映和富大埔有一定實力，前鋒盧卡斯表現搶鏡，我哋一定要打醒十二分精神。對我哋有利嘅係，對手星期二先踢咗場硬仗，體能方面應該我哋着數少少。」和富大埔周中作客遭香港飛馬逼和後，主帥李志堅表示對戰果感到失望，但亦喜見球員演出愈見進步，主將黃威傷勢並無大礙，但會否遣其上陣，需視乎戰術需要。