林書豪全力助攻救唔番籃網

籃網開賽排出J.Lin、科爾、賀利斯謝法臣、卜克和布克盧比斯正選陣容，雙方表現旗鼓相當，首節完結時籃網領先27比23。林書豪第2節雖然表現唔錯，但籃網多次進攻失手，被「綠衫軍」趁機超前比分，籃網半場落後45比47。籃網第3節奮力追趕，J.Lin得分雖然冇進帳，但多次交出助攻，籃網打完前3節續以69比77落後。

籃網主帥艾堅遜選擇讓林書豪最後1節先發上陣，果然打出一段10比2的攻勢追平，J.Lin個人連續3場熱身賽得分達雙位數。不過，林書豪打到最後6分鐘就退場休息，隊友無法保住主場勝利，令籃網吞下熱身賽3連敗。

大帝坐冷板騎士輸波

至於湖人同日喺主場對帝王，雖然有迪安捷奴羅素轟入31分，易建聯上陣13分鐘貢獻4分和2次助攻，但球隊仍以106比114落敗。而騎士在「大帝」勒邦占士連續第2場休息下，主場被速龍大勝119比94，主力菲爾上半場扭傷右腳踝要退下火線，目前傷勢未明。