邢安邦 郭子龍 東網講好港超聯

阿邦：捧和富大埔有驚喜

有觀看東網直播港超聯的球迷朋友，可能都會覺得「阿邦」邢安邦的聲音很熟，其實只要你是體育迷，可能早在10年前、甚至更早，已經在電視機旁觀看過他主持的體育節目或擔任評述的賽事。論資排輩，「阿邦」絕對是本地體育評述中的師兄級！

全能評述講足3季

早在2004年便離港加盟新加坡ESPN的邢安邦，2007年回流香港，2011年展開其「自由身評述及主持」生涯。現時大家除可在東網直播港超聯時，聽到「阿邦」極具個人特色的聲音外，觀看亞協盃、MotoGP、F1賽車、網球三大滿貫，以及德甲賽事直播，都可以聽到這位「全能評述」的聲音。但大家又知不知道，原來「阿邦」是唯一一位首三季港超都有份講波的評述員，他說：「係呀！我第一季就有講，所以上季東網搵我幫手我都好開心，因為講咗一季之後，覺得呢個聯賽先係我哋香港人嘅聯賽，一啲都唔『離地』。」「阿邦」謂替東網講港超聯，最過癮之處是可以在現場講波，之前從未試過：「講波同睇波一樣，都係現場先夠過癮！」

第一季便為當時直播港超聯的電視台擔任評述，「阿邦」坦言十分感慨，他說：「當時嘅電視台都好認真去做，但就做唔到呢兩季嘅東網咁鋪天蓋地去推廣呢件事，由上季開始東網做咗好多嘢，好有心，大家都睇到。」

與李健和及山度士兩大本地波Icon人物，一同評述揭幕戰的「阿邦」，看好有一隊可以帶給球迷無限驚喜：「我覺得大家可以捧多啲和富大埔場，同第一季踢港超嗰陣好唔同，今季嘅和富大埔喺李志堅教練帶領下，好早就組軍成功，佢係一位好有心嘅教練，配合幾位港足接班人黃威、陳俊樂同李嘉耀，只要啲外援球員發揮到，應該唔會無成績囉！第一場佢哋雖然輸咗畀東方龍獅，但表現一啲都唔失禮，值得球迷多多支持。」本月16日上演的社區盃，「阿邦」將會和「金句王」黃興桂拍檔，為大家現場評述。

黑龍波：撐超班傑志冇得輸

巴西有比利，香港有「黑龍波」！因擁有球王比利一樣的天賦（當然不是足球技術，而是烏鴉口），而被體記行家取笑為「炎煞黑龍波」的郭子龍，擔任節目主持經驗豐富，在新加坡工作期間，曾為網球賽、高爾夫球賽等擔任評述，但最享受還是講港超聯：「一來可以同Peter（黃興桂）、『和仔』（李健和）兩大評述界前輩共事，邊做邊學嘢！二來港超聯係自己熟悉嘅聯賽，同大部分球員、教練又識，講起嚟特別親切，好過癮！」

體育項目策劃無處不在

2010年離開新加坡ESPN之後，「黑龍波」重投本港的體育工作，近年擔任「自由身體育項目策劃」的他，一時以主持人身份現身亞協盃賽後記者會、一時就是賽馬會青少年體育記者培訓計劃的導師，以為賽事沒有東網直播，卻聽到他的聲音介紹出場名單，幾乎「無處不在」。「好多人問我乜嘢係『自由身體育項目策劃』，點講呢？其實即係乜都做！哈！哈！上季東網話搵我幫手講波，我諗都無諗就應承咗喇！」

「時代唔同咗，我見到東網播港超聯，就覺得啲行家好勁！上季到依家，見到成個計劃不斷向前走，報紙、網站、facebook同直播配合得好好，好開心可以成為一分子，出到少少力。」「黑龍波」笑謂。

今季「黑龍波」經已登場，上月底與Colun為傑志對冠忠南區的激戰評述，賽後大膽為今季作出預測（不含祝福成分）：「唔止唔係祝福，更加唔係預測！係分析！傑志今季大舉增兵，三線實力有增無減，『耀揚兄』（傑志主帥朱志光）大把喺手，好難想像佢哋贏唔到聯賽冠軍。」「黑龍波」將於本月25日，與「阿占」一同評述和富大埔對南華的港超聯。