近年日本有唔少女記者、女主播投身寫真行列，佢哋一係唔脫，一脫則令人眼前一亮，身材相當驕人，可愛又好波嘅蘿莉系記者妹妹廣川郁就係其中之一，而郁妹仲身懷多種才藝，可謂一名多才多藝嘅巨乳妹。
四年一度嘅世界體壇盛事已經圓滿結束，今年喺運動場上嘅話題極多，包括水神菲比斯摘金摘到手軟，以及本地牛下女車神李慧詩負傷上陣，雖然冇獎牌落袋，依然發揮出我哋港人最引以自豪嘅獅子山下精神。另外，小弟發覺大台派往巴西嘅記者當中，有位新任選美冠軍，雖然佢幾省鏡，但可能係剛任體育記者，表現未如理想。情況喺日本就剛剛相反，記者有美貌又口齒伶俐，而且腦筋轉數快，好似廣川郁呢位妹妹仔咁。
其實郁妹正確嚟講應該算係姐姐仔至啱，事關佢一副蘿莉妹可愛又天真，無邪氣又夠萌，睇落似十幾歲妹妹仔，但事實上佢已經28歲。郁妹佢除咗面孔可愛，身材亦係男人至愛，胴體雪白鮮嫩，胸前對E Cup美巨乳仲分量十足，試問男人又點會唔愛呢種童顏巨乳小美人呢？
廣川郁呢位童顏巨乳妹拍寫真作品其實只係兼職，正職係OL，有時間至跳出辦公室喺寫真界發展。老實講，郁妹雖然係好好身材又好可愛，但只係做寫真女郎認真嘥咗佢，事關阿妹學歷相當高，畢業於日本慶應大學經濟學系，乃係知名女主播兼寫真女郎脊山麻理子嘅師妹。除咗有大學學歷，阿妹仲擁有其他專業資格，例如英語檢定二級以及漢語檢定二級等，擁有以上資歷，令郁妹喺出道拍寫真之後，獲電視台賞識，搵佢擔任新聞節目《大阪暖TV》嘅記者。另一方面，郁妹口齒伶俐，成為司儀界新寵兒。不過，郁妹實在不只於此，因為佢仲學過聲樂及打鼓，希望未來可以進軍樂壇，家陣佢更寫歌詞添！廣川郁你認真多才多藝，小弟我都要好好向你學習喇！
簡介： 近期廣川郁除咗忙於工作之外，喺Twitter亦透露自己有玩捉精靈遊戲，如果大家都係精靈迷，不妨留言同阿妹分享捕捉心得。
網址： https://twitter.com/hirokawaiku?lang=ja
年齡：28歲
身高：5呎1吋
三圍：33E-23-34
撰文：賢