《Pokémon GO》熱潮席捲全球，早前里約市長柏伊斯表示，希望呢個大熱Game儘快開放予巴西地區，從而吸引更多遊客睇奧運，同時，不少已抵埗嘅運動員，亦熱衷於「捉精靈」，日本體操王子內村航平更加因為下載遊戲時忘記關掉漫遊，要交50萬日圓數據費添！
盼有「奧運限定版」精靈
遊戲開放之後，不少運動員即成為「精靈訓練員」一分子，據悉其中一個「Pokestop」便正正坐落於里約奧運公園，可惜捉到嘅只係波波、小哥達及波音蝠等普通品種，未見任何罕有精靈，故此，不少fans希望遊戲公司可以設立奧運「限定版」小精靈，以「慰勞」一班運動員。