勇士助教禾頓下季執湖人教鞭
勇士於NBA季後賽西岸4強迎戰拓荒者前，36歲助教禾頓宣布在今季結束後，出任湖人新教頭，據悉雙方簽約5年，年薪為500萬美元。由於勇士教練卡爾今季缺陣期間，禾頓帶領球隊戰績相當出色，今次決定離開，可能會影響軍心。
禾頓坦言好唔捨得勇士：「要離開呢個地方，感覺真係好難，但呢個無法拒絕機會。我欣賞湖人年輕球員班底，不過好明顯，你都需要引進一些優秀又有經驗球員，而且仲有好多工作要做。」
馬刺大破雷霆
另一方面，勇士史堤芬居里康復情況比預期好，希望能於5月9號前提前復出：「我一向都好樂觀，我希望盡快復出比賽，我冇同醫生、訓練員或者專家傾過，但所謂休息2個星期，只不過係關於我傷勢初步猜測。」
同日，馬刺西岸4強主場首戰124:92大破雷霆。艾迪列治取得38分同6個籃板，加上李安納有25分、5次助攻同5個籃板，帶領馬刺贏波。杜蘭特與韋斯布克今場合共只射入30分，是雷霆敗因。