一眼體晒佢哋嘅聖誕願望

周宏健：「又到聖誕、又到聖誕！今年再次在南韓過聖誕，可以過一個White Christmas！不過聖誕節前我因為食物中毒及腸胃炎要入院，今年願望除可繼續在籃球界發展外，亦希望身體健健康康！祝各位Merry Christmas！」

李英健：「我嘅賽車生涯最近出現重大突破，明年會代表鳳凰車隊征戰各項大賽，為迎接呢項挑戰，聖誕節期間我會盡量放鬆，叉足電後希望明年取得好成績。」

周宏健	李英健	黃曉盈

黃曉盈：「3個月前進行左膝手術後仲未好番，要等多3個月先可以再練體操，所以今個聖誕比較得閒，可以出席多啲慈善活動，而我嘅願望就係身體健康，可以快啲練番體操啦！」

曹星如

楊嘉怡

曹星如：「近期我留在菲律賓閉關練習，期間因為鼻樑受傷暫停，所以我嘅願望首先係身體健康，然後就係希望實力達到世界級拳手嘅高度，為世界金腰帶賽做好準備！」

楊嘉怡：「2015年係自己賽車生涯一大突破，贏得本年度香港房車賽總冠軍後，賽車同我嘅生活已經融為一體，今年除夕會參加國內一項耐力賽。最大願望當然希望進軍歐洲，明年目標就係參加TCR亞洲系列賽，同亞洲各地好手較量。」