主唱會歌《打打氣》勝在夠爆

「這制服～一穿上～彰顯鬥志的徽章～」莫耀強搞波出錢出力，還獻出了歌聲，流浪會歌《打打氣》兩年前面世，上載YouTube有得睇埋MV，夠爆又夠誠意，依家每逢流浪主場比賽，都可以聽到「莫生」歌聲，他笑說：「我真係好鍾意唱歌，近年仲返內地登過台搞過演唱會添o架！」

搞波着重青訓，唱歌亦為慈善捐助，其實「莫生」一向熱心公益，打開其卡片一看，就會見到「水蛇春」般長的公職頭銜，例如「香港聖約翰救傷隊牙科總區會長」、「南區消防安全大使名譽會長會副主席」、「江門市慈善會榮譽會長」、「江門市新會人民醫院名譽院長」、「新會華僑中學董事會董事長」等等。

除搞流浪外，「莫生」亦兼任港隊名譽領隊，他亦是籃球總會副會長，今季有份搞福建，並支持香港籃球代表隊對外之比賽，名副其實百足咁多爪！