唔赦對手剋星新帥國足大勝馬爾代夫

賽前馬爾代夫足總落實委任新西蘭籍領隊Ricki Herbert執掌球隊，呢位新帥昨晚亦飛抵瀋陽作實地考察。講起Ricki威水史，就不得不提佢曾率領新西蘭喺2010年世界盃分組賽F組，力抗意大利等勁旅保持3戰不敗佳績。另佢喺球員時代亦同中國隊有啲淵源，82年世盃外圍賽佢曾協助新西蘭粉碎中國當年嘅世盃夢。

不過，中國並冇因為咁被嚇窒，反而重拾射門鞋，佢哋早喺上半場9分鐘，憑住對方門將失誤，由前鋒于大寶把握機會先開紀錄，領先1比0返更衣室。換邊後中國隊繼續施壓，于大寶接應角球再下一城，加上後衞張琳芃入波，中國大勝對手3比0完場。