教你點將「旺角」變紅海
港隊今晚鬥卡塔爾門票早告沽清，不過有份坐爆旺角場的你要撐港隊，當然不能「齋坐」睇波啦！要撐「自己人」，首要穿上象徵港隊的紅色衣物，將旺角場變成一片屬於香港人的「紅海」；如果自問是熱血「港粉」兼有過人體力，不妨到31及32區的「站立打氣區」，與一班死忠球迷齊齊載歌載舞、搖旗吶喊！
由於打氣區位置有限，球迷需到31區旁的櫃台領取特別的入場券，才可入內。按過往兩場主場賽事經驗，「站立門票」基本上在開賽前半小時就會派完，想入內「跳」足全程，記得預早攞飛。就算坐定定睇波，球迷亦不妨先學會數首港隊球迷常用的打氣歌及口號，內容簡單易記，到時全場齊齊為港足加油，球員自然有更好發揮啦！