美網上周五舉行傳統兒童日，多位球星包括男子Big4其中三大天王祖高域、費達拿、拿度，以及世界「一姐」S威廉絲待齊齊與眾同樂，近年因成為一哥兼做埋老竇而正經咗好多嘅祖高域突然變番當年「扮嘢祖」，喺現場大放笑彈，又化身舞王帶領十數位工作人員及兒童在球場內起舞，還用了幾個Cool爆街舞動作來炫技，搞熱氣氛。
祖高域於開鑼日將鬥葡萄牙蘇沙，「一哥」力爭重奪美網，捧走個人第10個大滿貫錦標，他更祝福「細威」可以蟬聯女單，實現「單季全滿貫」偉業，祖高域：「我自己都希望有朝一日做得到呢！」同場獻技的拿度今日亦會出戰18歲克羅地亞新星哥列，西班牙「天王」今季成績雖一落千丈，但他提提大家：「我的水平正在回來，別太忽視我啊！」至於去屆男單冠、亞軍施力及錦織圭亦赴會支持。