日本女子青年籃球隊早前去到南韓濟州島參與籃球三國賽，面對東道主濟州島選拔隊以136比6大勝對手，足足贏130分！日本首節只失2分，第2節再贏29比2，第3節對手仲「食蛋」，最後一節就以40比2狂數對手！查實日本女籃出名夠狠，2002年亞洲青年女籃賽都曾以205比21狂數蒙古，搞到連分牌都計唔掂數！至於日本男子青年隊都以123比24戰勝濟州島選拔隊，但都唔及女子賽事咁懸殊。