寧澤濤讓全場High爆

鍾國樑：心情激動無分國界

「47秒84！寧澤濤奪冠一刻全中國泳隊都跳起身！」前晚在現場見證寧澤濤創歷史的前香港長途泳王鍾國樑，越洋接受訪問時坦言「心情好開心、好激動」：「真係鬥得好激烈呀！泳手幾乎一齊轉身（池），澳洲熱門麥爾禾之後帶頭，我心諗寧澤濤會有獎牌了，但想不到他後勁及耐力咁犀利，嘩，最後真係畀佢贏咗，全場都好激動呀，無分國家，都為呢場大戰而興奮，特別是全中國泳隊都跳起身。」「樑哥」現在擔任Speedo亞洲體育市場推廣經理，今次到喀山為泳手收集統計，支持泳手一路游到明年奧運而出力。

偶像波波夫加冕更夢幻

樣子俊朗、身材弗爆兼乖仔的寧澤濤，最後5米爆贏亞軍的麥爾禾，得到對方的祝賀及凝望，似是對這位新王者表示心悅誠服。寧澤濤說：「多謝爸爸、多謝教練，其實我心情一路很緊張，幸得他們一直叫我放鬆。」身為軍人的寧澤濤表示：「由波波夫親手為我加冕，感覺更夢幻，因為他是我的偶像，少時我會學習他的動作和技術。」作為泳壇男神，寧澤濤雖然去年亞運後曾與南韓美女孫延在傳過緋聞，但他未曾公開拍拖，如今第一次參加世界賽便拿下分量十足的金牌，肯定更得女泳迷歡迎，其微博關注人數狂升，昨天已突破180多萬，泳迷更自薦做其女友。然而他昨天在50自預賽成績麻麻，排名14僅入準決賽，最終在準決賽「包尾」提前出局。

回看歷史，美國在100自曾六奪冠軍而擁有霸權地位，可惜自2001日本世界賽由安東尼艾雲登頂後，已連續7屆失落寶座，今屆挾奧運金牌銜頭出戰，母親為香港移民的美籍代表倪家駿，最終僅拿第7，延續了美國在此項「水霸王大戰」的錦標荒。