阿澤傷到驚心灰揀掛靴

「其實東方上下都對我好好，我選擇唔再踢去轉行，全因為自己唔爭氣，一傷再傷，想操弗都唔得！就算弗番，再落場都驚傷過，嚴格嚟講係傷到驚咗！老實講冇諗過25歲咁早要轉行，只係冇辦法，我唔想再等運到！」原本一臉稚氣的「阿澤」，談及過去兩季「點黑法」時，亦難掩傷感。

決定掛靴的「阿澤」，將會投考紀律部隊，向人生新一頁進發。回望過去，他說短短8年職業球員生涯中，遇到的都是好老細、好教練，特別感謝帶其出身、當年執教華家堡的李健和及陳曉明。「係佢兩個帶我入行，畀機會我去做職業球員，兩位都教識我好多嘢，好多謝佢哋。」

唔想屋企人再擔心

很多球員無班落要面對失業，對於自己主動選擇轉行，「阿澤」重申是不想蹉跎歲月，他說：「我唔係有得踢唔踢，而係好驚再傷，之前後生好快就復原，但大多幾歲就難講，況且遲早都要轉行，33歲先轉同依家25歲轉根本冇分別。」十分識諗的「阿澤」提到由當初選擇踢波搵食到今次決定掛靴，家人一直支持他，白榮澤亦總結一句：「有啲時候唔好再要家人擔心喇！」