一哥勇士成為票房新貴

加價近三成仍然炒得起

勇士今季成為聯盟「一哥」殺入季後賽，甲骨文球場的門票自然非常搶手，據報首圈季後賽主場門票價格大約係461.05美元，比起常規賽的門票平均價錢貴了27.8%。至於勇士對塘鵝嘅門票平均價大約係345.56美元（約2,678港元），但當中3場於新奧爾良舉行的賽事，門票平均價只係197.33美元（約1,529港元），可見勇士主場門票有幾貴！

不過，有價唔代表冇市，據了解不少未能買到勇士首場季後賽門票的球迷，都轉而向黃牛黨「埋手」，令勇士對塘鵝這場Game1的門票炒價高達561.05美元，認真誇張。有最貴就自然有最平的門票，在一眾季後賽首圈對賽組合入面，以拓荒者對灰熊票價最平，平均只需171.08美元（約1,325港元）。