一哥勇士成為票房新貴

聯盟「一哥」勇士周日凌晨將會於季後賽首圈主場面對「新貴」塘鵝,勇士這場賽事的波飛票價本來只需461.05美元(約3,573港元),但據報已經被炒至高達561.05美元(約4,349港元)一張,想睇勇士首場季後賽主場的球迷,看來只有「捱貴飛」。

加價近三成仍然炒得起

勇士今季成為聯盟「一哥」殺入季後賽,甲骨文球場的門票自然非常搶手,據報首圈季後賽主場門票價格大約係461.05美元,比起常規賽的門票平均價錢貴了27.8%。至於勇士對塘鵝嘅門票平均價大約係345.56美元(約2,678港元),但當中3場於新奧爾良舉行的賽事,門票平均價只係197.33美元(約1,529港元),可見勇士主場門票有幾貴!

不過,有價唔代表冇市,據了解不少未能買到勇士首場季後賽門票的球迷,都轉而向黃牛黨「埋手」,令勇士對塘鵝這場Game1的門票炒價高達561.05美元,認真誇張。有最貴就自然有最平的門票,在一眾季後賽首圈對賽組合入面,以拓荒者對灰熊票價最平,平均只需171.08美元(約1,325港元)。