沙欖大戰淺水灣開P

香港國際七人欖球賽即將舉行，每年都先在淺水灣上演前哨戰，一年一度「保誠沙灘欖球賽2015」昨日起一連兩日在淺水灣開戰，分別舉行沙灘欖球、足球、投球、閃避球及瑜伽，體育競技配合沙灘Party，幫大家熱定身迎戰欖球盛事。

適逢近日天氣回暖，今年沙灘欖球賽氣氛零舍熱鬧，令參賽者及泳客誤以為炎夏提早來臨，舉辦今次活動的保誠代表Sean表示：「很高興今年再度成功舉辦沙欖賽事，今年場面特別熱鬧，為大家提前感受7欖氣氛，最緊要玩得盡興。」

香港國際七人欖球賽的規模愈來愈大，1976年的首屆賽事，當年只有12隊參加，觀眾約3000名。時至今日，參賽隊已增至28隊，而一連三日賽事更吸引達12萬名觀眾，真係好犀利呀！