大帝發神威技壓咖喱仔
騎士於昨日主場對勇士的NBA總冠軍前哨戰，憑「大帝」勒邦占士貢獻今季新高的42分，加上11個籃板及5次助攻，協助球隊以110比99大勝對手豪取4連勝，同時證明自己有力爭逐常規賽MVP殊榮。
4年來首獲「40+10」
勒邦占士喺對勇士一仗上陣36分鐘，25射15中交出「42+11+5」的好成績，個人得分更創今季新高，係「大帝」自傷愈復出後，狀態回復到巔峰的最佳證明。勒邦占士上次貢獻「40+10」已經係2011年2月9日的賽事。整整4年未見充滿進攻意欲的「大帝」，就算勇士係聯盟最強的防守隊伍，面對勒邦占士都顯得無可奈何。
常規賽去到直路階段，關於MVP的討論亦愈來愈多，目前大家的焦點都集中於勇士的史堤芬居里及火箭的占士夏登身上，但勒邦占士曾私下表示對自己未獲足夠重視感到不滿。「大帝」於MVP排名落後，與早前騎士戰績低落不無關係，但球隊現時勢頭甚猛，加上勒邦占士表現亦回復巔峰，就像昨天殺退史堤芬居里的勇士已為其增加不少分數，幾天後作客對火箭面對占士夏登如能再交出如此「狂野」的表現，絕對有可能在最後階段反勝兩人重奪常規賽MVP殊榮。
