南韓藝術體操「精靈」孫延在嗒李敏鎬？孫延在獲緋聞男友朴泰桓現身打氣，大熱贏得仁川亞運金牌，兩人親密關係再成傳媒焦點，不過孫延在急忙澄清同「桓桓」只係「兄妹」，反而冧爆被網民封做「泳壇李敏鎬」嘅中國飛魚寧澤濤。
寧澤濤憑俊朗外形同六舊腹肌極速吸引大量女粉絲，「小鮮肉」一夜間升格做「男神」，就連孫延在都嗒晒糖，佢上月現身南韓KBS搞笑清談節目嗰陣仲大膽「表白」:「寧澤濤好帥啊！似足發光體一樣，兩隻眼睛都充滿『我要談戀愛，大家都嚟愛我啦』嘅感覺，電力十足。」嘩，睇唔出孫延在咁Open喎！