洛辛保贏咸仔揚威摩納哥

F1隊友「內鬥」歷年屢見不鮮，就連「由細玩到大」、感情一直要好的「咸仔」和洛辛保亦難逃此定律。話說洛辛保上周六在排位賽最後一圈彎角衝出跑道，引發賽會出示黃旗，導致咸美頓被迫放棄作最後衝刺，只能屈居第2；賽後獲排頭位的洛辛保須接受FIA調查，事實上，「黑帝」亦當場黑面，冷對洛辛保道歉，令氣氛相當尷尬。

咸美頓接受英國BBC電台訪問的時候坦承，兩人現時關係就如當年的冼拿和保魯斯。為免「鷸蚌相爭，紅牛得利」，平治主席羅達立即「做嘢」：「我跟佢哋都講咗，如果你哋喺（正賽）一號彎就互撞，獲利嘅只會係其他人。」

平治繼續包Ｑ

結果兩位車手昨晚在正賽相當「規矩」，排頭位的洛辛保雖然全程被「咸仔」追到氣咳，不過仍能保持領前優勢率先衝線，繼揭幕戰後再嘗捧盃滋味，「黑帝」屈居亞軍，四連冠告終，紅牛卡列度奪季。經6場比併後，洛辛保重登車手榜首位，但僅以4分Lead住隊友咸美頓。下站賽事6月8日轉戰加拿大。