大帝加操On Fire！
熱火前仗作客不敵公牛錄得三連敗後，主將勒邦占士（LeBron James）賽後誓言自己定必回勇，結果昨仗對巫師果然履行承諾，協助球隊主場以99比90擊敗對手結束連敗，同時更成為聯盟第二支提前鎖定季後賽席位的球隊。
「大帝」此役一掃過去三場低迷表現，全場15射10中貢獻23分、7個籃板球及8次助攻，回勇下助球隊成功止跌。勒邦占士賽後心情大好，表示這場勝利來得非常及時，並強調提早到場熱身對他找回狀態起到很大幫助。占士表示：「最近我同球隊狀態都唔好，所以今日特登提早四個幾鐘嚟球場熱身。點知到咗球場先發現有啲小朋友喺度打緊波，所以要喺更衣室等到佢哋活動結束後，先可以出嚟加操尋找手感。」勒邦占士平時賽前一般不會到場地熱身，昨天有此舉動無疑顯示出擺脫低迷手感的決心。
同溜馬爭常規賽一哥
熱火雖然成為聯盟第二支提前鎖定季後賽席位的球隊，不過「大帝」指自己無時無刻都關注溜馬的成績：「係呀，我日日都會去睇排名，雖然我唔會按排名嚟打波，但常規賽第一嘅重要性所有人都明白。」看來，三連敗已激發一眾熱火球員的鬥志，球隊正為追趕溜馬衝擊常規賽第一而努力，擊敗巫師或許是熱火回勇的開始，熱火明早將續於主場迎戰籃網。（周四早上7時開賽）
NBA賽果熱線：2795 2233
查詢時間：中午12時至下午6時