帝王自亂陣腳慘負火箭
帝王昨日主場迎戰西岸前列球隊火箭，但後備席未見「壽星仔」三分射手費迪特（Jimmer Fredette）蹤影，有傳他於生日收到球會「大信封」成為自由身，可以話係獲得最掃興的「生日禮物」。至於帝王「麻煩友」古辛斯（DeMarcus Cousins）則於賽事中失控被逐，更幾乎想「開拖」打球證，累球隊慘負於火箭手下。
費迪特被炒 古辛斯失控
據《ESPN》報道，帝王總經理迪阿歷辛度（Pete D'Alessandro）於當地時間周二早上與費迪特經理人商討買斷這位3分射手的合約。迪阿歷辛度其後接受訪問時，指費迪特已不在球隊重建計劃中：「費迪特屬於純射手型球員，雖然佢唔再係我哋未來大計嘅一分子，但係佢絕對適合打NBA，我哋肯定佢喺今季前一定會搵到班落。」
昨日正式滿25歲的費迪特就讀楊百翰大學時打出名堂，2011年更帶領球隊殺入NCAA十六強，引起「Jimmermania」旋風，同年被帝王於選秀會上選中，但兩季至今仍未打回大學時的水準。
至於帝王對火箭一仗，帝王中鋒古辛斯於第3節因不滿被球證吹罰而大發脾氣，遭球證吹罰「雙技犯」被逐出場後，更想動手向球證施襲，幸好被球隊職員制止，球隊最終於以103比129不敵有占士夏登（James Harden）攻入43分的火箭。