食棉花糖

今時今日搞單車比賽,點會淨係鬥車咁齋?選手集合處既沙田源禾遊樂場,就搞到成個嘉年華咁,仲有棉花糖食添,女子公開組冠軍馮郁淇都忍唔住幫襯。

猛男抱柱

雖然只係一號風球,但昨日城門河畔風勢都幾大,終點嘅吹氣像皮柱吹到左搖右擺,一位猛男竟然以身相許,攬實像皮柱,令人佩服。

單車Model

賽車有車模,單車都係鬥車,當然有車模!睇嚟賽會決心將賽事國際化,連車模都係靚靚洋妞,穿起單車比賽服飾,都幾養眼架。

BB鬥車

大家記唔記得自己細個嗰陣,幾歲開始踩單車?答案可能係兩歲!賽會為小至兩歲既BB搞單車比賽,一班BB鬥車,最忙就梗係佢哋父母啦!