史端呼籲列強效法
於美國時間上周五出街的新一輯H-E-B廣告，4位球星分別拍攝了4條片Sell洗衣粉、薯片、牛奶及牛扒，個個廣告都抵死兼搞笑，H-E-B更乘勢大搞網上投票，呼籲廣大觀眾投選至愛廣告。據《聖安東尼奧快訊》透露，NBA行政總裁史端（David Stern）都勁Buy，並透過電郵形式向各支NBA球隊發送廣告片段，希望列強的市場部偷師，學曉如何為旗下球員做Promote。
李安納初登廣告界就大受歡迎，不過這位小將就自爆拍攝期間的辛酸史：「我份人好少講嘢，拍攝當日猛咁食螺絲，最慘係拍牛奶嗰個廣告，因為猛咁NG，焗住飲咗勁多奶，依家諗起都怕怕！」