火箭溜馬菲島熱鬥
【本報綜合報道】火箭和溜馬將於菲律賓進行季前賽，前者主將占士夏登（James Harden）今夏曾到訪此地，不足兩個月後又再重臨，他好像已將自己當做主人家來招呼隊友。占士夏登到達馬尼拉後表示：「我啲隊友會嚇一跳，呢度啲人對籃球嘅熱情簡直瘋狂，我會好好為佢哋介紹呢度嘅風土人情同習俗。」
火箭將帥在馬尼拉完全感受到當地球迷的熱情。部分火箭球員於當地亞洲購物中心附近被球迷認出後立即引來騷動，不過球迷與球員仍保持一定距離。大前鋒柏臣斯（Chandler Parsons）表示：「真係好得意，因為球迷見到你會跟住你。我同林書豪（Jeremy Lin）喺台灣嗰陣，球迷會摸你塊面添；但馬尼拉球迷只會圍住你，想見吓你同埋合照。」
隊友洩林書豪行蹤
在亞洲人氣極高的林書豪逛街時特意帶住頂帽，但對莫迪祖拿斯（Donatas Motiejunas）有點抱怨道：「我同莫迪祖拿斯一齊行亞洲購物中心，但佢竟然着火箭T恤，似乎有啲想洩露行蹤。」不過，林書豪於菲律賓實在太受歡迎，更受到當地媒體熱捧，J.Lin坦言好興奮能在此比賽。火箭將於今晚與溜馬於馬尼拉進行亞洲季前賽第一站賽事，這同時是菲律賓史上第一次舉行NBA季前賽。
（now 635今晚7時30分直播）