熱火正於旅遊勝地巴哈馬群島為新球季備戰，不少球員於練習時都赤裸上身，占士於今夏增加的兩個紋身「EST.1984」及「Akron」亦得以曝光。
不過並非人人身上都有紋身，韋迪身上就一個紋身都冇。談到「閃電俠」這個情況，占士不忘拿這位好兄弟開玩笑：「韋迪唔紋身係佢自己嘅選擇，因為佢怕痛，驚啲針拮入佢嘅皮膚。」韋迪則沒有將原因歸咎自己怕痛，反指球隊中紋身球員實在太多：「我哋球隊入面紋身嘅球員已經夠多，足以遮晒我個身，所以唔使我去紋身。」
事實上，韋迪冇紋身的原因似乎是他不想傷害自己身體，因為小時候其父母管教甚嚴，不准他紋身，韋迪表示：「我唔想有日起身因為睇到呢個永遠無法甩嘅嘢而反思。」