大帝要做全球偶像

勒邦占士(熱火)

熱火完成兩連冠後將面臨新挑戰，儘管呢支球隊年齡老化嚴重，但「大帝」表示球隊唔會停滯不前，勢必保持活力以全新面貌去追逐三連冠霸業。占士表示：「好明顯球隊仲需要升級，我哋唔可以繼續保持上季水平停滯不前，咁樣唔足以再奪總冠軍。隨住訓練嘅加強同比賽展開，我哋會睇到好多嘢，去追求對球隊最有益嘅打法。當然，成季嘅整體打法係唔會變，但過程一定有啲變化。」

再拋爽身粉冧球迷

除球隊打法要有變化外，占士自己似乎亦有一點改變。「大帝」近日於instagram上載一張圖片，竟然係以前嘅拋爽身粉招牌動作，下面標籤則寫上「拋爽身粉嘅動作將返嚟你附近嘅場館！」，意味占士新球季將重玩拋爽身粉。拋爽身粉係「大帝」的標誌性動作，但係佢近幾年表示要專注比賽而放棄呢個習慣，占士表示：「因為我熱愛我嘅球迷，佢哋想呢樣嘢返嚟，所以我會為我嘅球迷咁做。」

玩冰震 灰熊陣中四位球員於訓練營結束後，坐在場邊為自己的膝蓋敷上冰塊。（美聯社圖片）

扮大牌 籃網主將皮雅斯（Paul Pierce）和泰利（Jason Terry）於訓練休息期間坐埋一齊，對隊友指指點點。（美聯社圖片）

• 孭重飛
  塞爾特人球隊訓練營由主力朗度（Rajon Rondo）帶領，他於訓練中展示標準的投籃姿勢。（美聯社圖片）

占士熱愛球迷，當然係因為呢班粉絲願意慷慨解囊購買佢嘅球衣。據《美聯社》日前公布NBA球衣全球銷量榜，占士力壓戴歷羅斯（Derrick Rose）及高比拜仁（Kobe Bryant）高踞榜首，得悉此結果後「大帝」相當興奮：「知道咁多人崇拜我對我嚟講意味住好多嘢，我會繼續努力等佢哋將我當做偶像。我明白着波衫其實係一種信仰，我好感激一眾球迷。」占士正朝着人生最高目標邁進，三連冠將成為佢首要達成嘅任務。