康復理想復出期難定
香港唔少球迷關心高比拜仁傷勢，佢為大家報喜：「康復進度唔錯，有晒時間表。」但當被追問及能否於常規賽首戰復出時，高比就保守地回應：「真係唔知，仲要再睇情況。」
湖人新兵需時磨合
講到湖人一眾新兵，高比認為要看化學作用：「我哋會努力磨合，依家情況就好似將一班人擺入一間屋度，第一周可能好好，但最後可能會殺死對方，所以都要開季先至明朗。」高比拜仁同另一位ＮＢＡ名將拿殊都係超級足球粉絲，二人成日都有傾足球經，仲謙稱拿殊踢波技術較佳，因為對方Keep住有練波。講到最愛球隊，高比仔堅定地表示：「我最鍾意ＡＣ米蘭，本身都有睇美斯、C朗、巴洛迪利同尼馬等球星踢波，仲欣賞西班牙水銀瀉地嘅攻勢。」
