雷阿倫睇唔過眼想炳佢

米克懷斯的「爛仔上身」片段前日在《ESPN》節目《Outside the Lines》曝光，從短短兩分半鐘的片段所見，這位羅格斯大學教練極度躁狂，疑因球隊戰績不佳，在訓練期間用粗口及帶同性戀口脗的說話辱罵球員出氣，並多次向陣中小將施暴，包括拳打、腳踢、扯衫、推撞、用「咕o臣」打及用籃球「兜頭兜腦」掟向球員，行為令人髮指。

羅格斯大學即炒躁狂佬

隨着事件愈鬧愈大，不少NBA球星都加入聲討行列，「小飛俠」透過twitter表示「教練不能欺侮球員」，「大帝」就稱如果兒子是羅格斯大學球員，肯定會向米克懷斯「還以顏色」，但講到最激動肯定非雷阿倫莫屬！該位熱火老將表示：「後生仔唔識打波係要教，唔係打，咁樣會對班o靚仔有好大心理影響，睇完條片真係想打佢（米克懷斯）一鑊！」

據《今日美國》報道，羅格斯大學「替天行道」，周四晚已將米克懷斯炒魷，助教馬迪利（Jimmy Martelli）亦引咎辭職，米克懷斯昨日已透過《ESPN》向公眾道歉，希望再有機會在籃壇搵食。