山貓翻生波神笑住派大餐

甘巴獲加上位變廣告天王

未計今早主場鬥鷹隊，山貓新季取得六勝四負的戰績，只要贏多一場就可追平上季贏波場次（7勝），加上球隊的偷波（86次）及封阻（76次）次數均躋身聯盟前十，平均每場更逼到對手出現14.6次失誤，教練鄧納普的守勢籃球戰術居功至偉。

說到山貓今季的新亮點，肯定非二年生甘巴獲加莫屬！今季平均每場貢獻18.5分的獲加已成為山貓新Icon，繼早前的保險廣告後，替運動品牌Under Armour拍攝的新廣告亦在昨日出街，真係齋接廣告都接到手軟。

旗下球隊脫胎換骨，班主米高佐敦終於擺脫「魚腩老闆」污名。據《夏洛特觀察報》報道，「波神」昨日就聯同山貓一眾球員及當地一間食物銀行，出席一個名為「Cats Care」的夏洛特社區活動，向貧困家庭派發一千份感恩節大餐，每袋食物足夠一家四口享用，當中有火雞、薯仔及紅莓啫喱等。「波神」活動期間心情勁靚，對球迷要求簽名和影相都冇托手肘，球隊成績好人都寬容啲！

山貓現時勢頭甚佳，明早將作客今季仍未「開齋」的巫師，小讓2.5分捧上盤。（周日早上8時開賽）