「夢10成員」占士夏登嚟緊星期六就23歲生日，呢名雷霆球星日前就搞咗個遊艇派對提早慶祝生日，仲邀請埋好友杜蘭特出席，個派對囡囡多個仔，占士夏登飲到high晒仲赤裸上身坐喺靚女大髀，呢個生日真快樂呀。
占士夏登今次派對嘅相片被大量流出，其中一張見到得佢一個人手揸酒樽，坐喺一個靚女大腿上，後面仲有超過十名索女同佢一齊玩緊，據知，呢個白色遊艇派對玩通宵，占士夏登同杜蘭特徹夜狂歡。
占士夏登唔係第一次被揭發同杜蘭特狂歡，二人之前曾經被影到去夜店尋歡溝女。