惡疾福伯 忍痛照顧肌萎妻

梁福現年六十七歲，與妻子結婚接近半個世紀，一直相依為命共渡難關。可惜天意弄人，妻子兩年前患上肌肉萎縮症，出入均需丈夫協助。

患惡性間皮瘤靠嗎啡止痛

今年五月梁福因渾身疼痛而發現患上惡性間皮瘤，終日痛不可耐，甚至要以嗎啡止痛。「一日痛足廿四小時，痛起嚟真係只可以攤喺張床度，要飲嗎啡水先瞓到！」梁福病發前與妻子同住公屋單位，每天肩負照顧妻子的起居飲食，自從證實患上惡疾後，便需與女兒同住，「個女好好，特登辭咗份工照顧我哋，但佢都有自己嘅家庭，好難負擔埋我哋啲藥費。」

對於要照顧年邁父母，梁少芬無怨無悔，但談及自費藥物，則一臉無奈，「我哋幾兄弟姊妹收入都係啱啱夠用，平日根本冇積蓄。我可以辭工照顧佢哋，但就真係負擔唔到咁貴嘅藥費！」少芬坦言每當目睹老父「痛到縮埋一舊」即心痛不已，希望善長能慷慨施援，協助老父尋求一線生機。

屯門醫院發言人證實病人患上晚期惡性間皮瘤，屬一種不常見的惡性胸膜疾病。經評估後，病人需接受抗癌藥物培美曲塞及順鉑混合治療。臨床結果顯示相關藥物治療成效顯著。有關治療每三星期為一個治療周期，病人共需接受六個療程，每周期的藥費為港幣一萬八千元，整個療程合需款十萬八千元。

捐款編號：12296

記者：楊育輝