筆者日前作感冒去睇醫生，一位後生嘅男醫生用聽筒幫我聽心跳時，叫我「蝦呼」佢又一邊「蝦呼」，呢個情況來回五六次，唔知道以為自己參加咗愛情動作片試鏡！醫生冒住被認定係「同志」及被控性騷擾嘅罪名去幫我睇病，絕對值得尊敬，我係唔應該戴有色眼鏡嘅。
ＮＢＡ亦有一啲球員甘心被人怒插係茅王，而默默地為球隊效命，當中最成功非前馬刺球員保雲莫屬，佢憑着凌空天殘腳、鬼祟楔腳同貼身叉腰，成功殘害武林。効力馬刺８季期間，保雲就用兇悍兼污穢嘅防守作風幫馬刺攞到３個總冠軍。
筆者寫呢篇文目的唔係鼓勵大家喺球場上打茅波去爭取勝利，而係希望大家學保雲一樣定位自己，令自己喺職場上嘅價值得到最大量化。
台灣《美國職籃》專欄作家邱益忠，自初中起不自禁地戀上NBA，對每支球隊有著獨特見解，以風趣幽默形式同你論盡NBA！