58比0!英業餘隊創紀錄

嘩,58比0?你冇睇錯,係發生喺上周日一場英國業餘聯賽。輪子動力主場迎戰包尾嘅諾瓦2010隊,主隊頭五分鐘已入五球,半場以20比0遙遙領先。易邊後佢哋繼續大屠殺,再攻入38個士哥,差唔多1分33秒便入一球,非常「高效」。不過,諾軍大敗都有原因,因為佢哋只有九名球員落場應戰,全場九打十一,唔畀人炒就奇喇。呢場58比0,亦刷新了2010年伊洛甘大勝55比0嘅英國紀錄。