美斯係神？加泰羅尼亞傳媒幫巴塞球星美斯大搞「造神行動」，全地區總動員歌頌美斯，甚至討論佢係咪體壇史上最佳運動員。雖然美斯係阿根廷人，不過加泰羅尼亞早就將佢當係半個親生仔，喺佢登上巴塞之巔後，《世界體育報》即發起「造神行動」，搵咗大批巴塞球員、官員、名宿、記者等各界社會名人，齊齊攞住美斯件10號戰衣講「我睇過美斯踢波！」呢句說話亦迅即成為加泰羅尼亞人嘅口頭禪。另外，阿根廷四位著名漫畫家亦齊齊推新作幫「美斯神」造勢。