咩叫做力發千鈞？睇睇朗尼射門就知喇，佢一腳就射到小球迷手腕骨折！早前英超曼聯作客狼隊，賽前朗尼練習射門，唔小心將皮球射到看台，九歲紅魔小球迷占美湯馬士舉手一擋就賴嘢，醫生話佢骨裂要打石膏。朗尼之後即刻認錯道歉，並送上簽名波衫賠罪添。
朗尼知道誤傷占美仔後，即刻於twitter向小球迷say sorry：「對唔住呀占美仔，我已準備好一封道歉信，同埋一件簽名波衫，好快就會送到你屋企！」話明係曼聯球迷，占美仔一家當然冇怪偶像，老竇安迪話：「朗尼當然係冇心o架喇，如果佢當時知道占美受傷，肯定會過嚟安慰占美。」