Khloe表示，奧當早前曾經問佢攞「批准」，同隊友去一間有脫衣舞睇嘅夜總會玩，Khloe二話不說就say YES：「去夜場係男人們聯絡感情嘅方法，我絕對唔介意，而且我自己都好鍾意去有脫衣舞嘅夜總會，我已準備將來同奧當一齊去。」雖然Khloe你唔介意啫，但你咁講咪即係踢爆咗小牛大軍去咗夜總會玩，可能其他隊友已經準備要頂痰罐囉。
唔like前姐夫堪富利斯
此外，Khloe亦透露自己唔鍾意前姐夫，現効力籃網嘅堪富利斯，佢話當時姐姐Kim同佢拍拖時，已經覺得呢個人好有問題，鍾意亂講嘢出口傷人，佢就試過被堪富利斯寸同奧當扮恩愛假結婚，激到佢即刻鬧爆呢位高大前鋒。