許穎師妹Milla舞動球場！
星爺嗰招「少林功夫＋足球」掂過碌蔗，咁樣「性感舞步＋足球」又有冇得諗先？Milla（程芷渝）就話一定有得做！Phoebe許穎師妹Milla，最近打正旗號以「性感舞王」姿態殺入娛樂圈，佢話足球咁悶，要加入多啲新元素喎，今次一於邊撲波、邊跳性感勁舞，將球場變得春色無邊！
Milla一心以性感姿態闖娛樂圈，佢係新人乜嘢工作都想試，今次拿仁就畀佢先做體育主播，睇吓佢口齒夠唔夠伶俐先！估唔到Milla對足球好有興趣，探討C朗、美斯邊個勁啲講得頭頭是道，佢話撐硬修心養性、專心踢波嘅C朗喎！
勁辣舞姿 PK拿仁
斯文完後Milla就做番自己，着起小背心化身性感舞王、戴上手套做「Sexy版林源三」，要同拿仁嚟個「十二碼（PK）戰」！隨着音樂響起，Milla即刻入局，表演殺死人勁辣舞姿，拿仁踩住個波掛住睇，三魂唔見咗七魄下，只能射出一記軟弱無力嘅射門，Milla不費吹灰之力就擸到實。天呀！點解我會輸得咁肉酸架！
文：麥馬拿仁