鄧肯重振雄風馬刺主場９連勝

「27分11板」破鳳凰城

馬刺今季可謂靠晒主場搵食，事關開咧後4場作客全部輸晒，但主場就全勝，表現「天與地」。由於真路比利繼續養傷，鄧肯今場挺身而出多番跳投得分，手風順暢14次起手10中得27分，防守方面亦交足貨，貢獻11個籃板、1次搶截及2次封阻，猶如當打嘅鄧肯回歸球迷眼前。

鄧肯賽後透露，今個夏天專登刻苦鍛煉中距離跳射，主要因為自己年事已高，唔可能再好似後生咁強攻籃底，希望用另一個方式去幫助球隊。

鄧肯射入27分之後，生涯得分已累積達到21,829分，成功超越「手套」佩頓，升上NBA得分榜史上第31位。