足總公布出戰今屆省港盃嘅21人港隊決選名單，喺24人初選名單中，四名即將歸化球員之中，三名洋將積施利、高梵同麥基上榜，只有傑志嘅國援門將王振鵬落選，另兩名落選嘅球員係晨曦左閘李恒匯同流浪後衞翟廷峰，佢兩個都係所屬球會嘅正選，反而喺南華任後備居多嘅文彼得、吳偉超及徐德帥仍然榜上有名。省港盃首回合定於周三喺香港大球場上演，廣東隊將在今日到港。