梁灝雋英俊小生 唔覺自己靚仔

這位正在澳洲為港爭取奧運資格的23歲新星，轉當全職運動員短短3年，Andy幾乎每年都為自己增添冠軍名銜，世青、東亞運、亞洲冠軍都贏過，今年更於歐錦賽取得第11名的驕人戰績，但光輝戰績統統都不及其靚仔形象深入民心：「好多人都話我似馮德倫，但我真係唔覺得自己靚仔㗎！」

怕醜的Andy17歲接了人生第1個廣告，至今記憶猶新：「當時係拍服裝廣告，喺現場緊張到震，仲記得自己當時唔知點擺甫士，好彩最後兩個鐘就搞掂。」之後一直有經理人公司找他，但每年只留港3個月，根本冇乜時間接Job。

曾經好討厭風帆

Andy自小體弱，因長期鼻敏感被母親逼他於8歲上風帆暑期班，兩年暑假令鼻敏感得到改善，但為家中獨子的他卻從此討厭風帆：「細個玩風帆，要自己一個人出海好驚，好憎呢種感覺，周圍乜人都冇。」曾多次向母親嚷着放棄不成功，被迫「出海」至03年，首戰亞青即取得銅牌，才令他擺脫心魔。