唔講唔知，尼特羅賓遜就讀華盛頓大學嘅時候，曾經係校內美式足球隊一員，但因為後期要專注一個項目，先放棄美式足球。尼特羅賓遜日前就向《SLAM》透露，好想做一啲前無古人嘅事情，原來佢已經部署改踢職業美式足球，近日仲刻苦操波，希望轉型成功，不過NFL同NBA一樣，來季都係停罷，睇嚟尼特都要搵定第三項運動𢭃番份人工嘞！
杜蘭特搞街頭籃球
至於「得分王」杜蘭特就打算串連兩大籃球聯賽Drew League及Goodman League，大搞「街波東西岸大賽」，而効力騎士嘅巴朗戴維斯，以及効力勇士嘅杜利胡禮已經表態會幫手，費事游手好閒冇嘢做！