WNBA印第安納狂熱主場對西雅圖暴風，狂熱今季異軍突起，目前排東岸榜首，中鋒達雲普特狀態極弗，近期手風順到不得了，加上暴風五日內連打三場作客，今場狂熱有力再下一城！（now 678及有線165台周三早上7時直播）
狂熱上季成績普通，季後賽首圈就出局，但今季季初表現似乎唔錯，十戰七勝三負，主場只係輸過一場，中鋒達雲普特上仗十一投十中，獨取二十五分，可以話弗到漏油。
反觀衞冕嘅暴風季初演出慢熱，完全冇晒上季嘅霸氣，而且中鋒兼上屆最有價值球員羅倫積遜受傷，中門大開下，今場頂唔住達雲普特嘅強攻。翻查對賽往績，狂熱近兩次主場都贏到暴風，今仗一於再添食。